Poésie en hommage à la Corse et à ses habitants. ©Electre 2025
O tù lingua meia di l'antichi mei! Sè sangui di lu pòpulu! Ciò ch'eddu hà patutu, ancu tù l'hà patutu. Lingua nigata. Lingua calcicata. Lingua umiliata. Umiliata com'è l'ossa di l'antichi.
Lingua, tù sè a me maestra. Eri quand'è eru in corpu à mamma. Eri in un me vìculu. Sarè in a me sipultura cù l'antichi pastori, i donni pueta, i fanti scumparsi.
Tù, lingua, sustanza viva, pegnu d'onori, litanìa di tribbulazioni.
Tù, lingua, sangui nucenti, voci virtadeli, donu varturiosu.
Tù, lingua, sturmentu di libartà, brionu di ghjustizia, sonniu d'eternità.
Sè a me làscita particulari, a leia cumuna, a vicata mimuriali.
Sè u pinsamentu di i me ghjorna, u me ghjudiziu ughjernu, u me sguardu cuscenti.
Sè a me brama d'umanità, u me prisìdiu di nucenza, u me risìdiu di spiranza.
Dammi ogni ghjornu u fiatu bonu, u locu empiu, u focu dolci.
Dammi a to longa antichità, i to prumessi larghi, a to sapienza infinita.
Dammi a paci di u cori, a risorza d'essa, a verga francatoghja.
Rinatu Coti, 10. I. 2006
Paru le : 30/06/2006
Thématique : Anthologies poésie
Auteur(s) : Auteur : Rinatu Coti
Éditeur(s) :
Eoliennes
Collection(s) : Non précisé.
Contributeur(s) : Traducteur : Paul Dalmas-Alfonsi - Illustrateur : Saveriu D. de Casabianca
Série(s) : Non précisé.
ISBN : Non précisé.
EAN13 : 9782911991363
Reliure : Broché
Hauteur: 14.0 cm / Largeur 14.0 cm
Épaisseur: 3.0 cm
Poids: 80 g
Carte fidélité
Mollat Radio
