Une étude des liens entre la Corse et la Sardaigne, notamment d'un point de vue linguistique et littéraire. ©Electre 2025
Unepochi di pregiudizii vechji vedenu l'isule cumu s'elle fussinu lochi chjosi. Ma basta à interessà si una cria à a storia d'issi territorii da rende si contu quant'elli sò stati in raportu - è spessu strettu strettu - longu à i seculi. Oghje issa cuscenza di una vicinanza naturale è culturale face sbuccià prugetti di cuuperazione in varii duminii di l'ecunumia, di l'asgi è di a vita culturale. Quì è culà nascenu ancu partenariati di creazione è di riflessione è l'istituzione cum'è a custruzzione eurupea si ne primureghjanu malgradu unepochi d'ostaculi è di tira è molla chì frenanu issu muvimentu.
A Corsica è a Sardegna hè un pezzu ch'elle ci sò indiate in issa creazione di baratti cuntinui. Sumiglie è diferenze facenu più preziosi è diviziosi issi cuntatti. E duie isule portanu dinù varghe è cuntatti pussibuli à livellu più ristrettu. Cum'è in campu linguisticu è literariu. Trà u corsu è u gallurese ognunu ùn stà tantu à sente è rende si contu di un ceppu cumunu portu à i tempi d'oghje da sugettu di studiu, di spressione è... di ponte per unepoche rializazione in cumunu.
Stu libru hè un'illustrazione trà tante di e cullaburazione pussibule. Da a banda corsa sò dui bunifaziinchi prufessori d'università è un prufessore di corsu è spagnolu, dutturante in literatura corsa à presentà i so studii in a prima parte di stu vulume : Alanu Di Meglio è Ghjuvan Maria Comiti spessu facenu u passa è veni trà Corsica è Gallura. È si sò purtati cun elli à Anghjulu Pomonti in Perfugas. Mauro Maxia, linguistu è circatore hà urganizatu l'ultimi cungressi di i Culloquii Internaziunali di Studii « Ciurrata di la linga gadduresa » in issa cità è l'hà iscritti in issi prugrama. Stu vulume ripiglia oghje l'atti di isse ghjurnate, accrisciuti di cunsiderazione sociolinguistiche in quantu à u statutu simbolicu è reale di u gallurese.
Paru le : 01/12/2018
Thématique : Essais et théories - Dictionnaire
Auteur(s) : Auteur : Jacques Thiers
Éditeur(s) :
Albiana
Collection(s) : Isule literarie = Des îles littéraires
Série(s) : Non précisé.
ISBN : 978-2-8241-0926-8
EAN13 : 9782824109268
Reliure : Broché
Pages : 306
Hauteur: 22.0 cm / Largeur 14.0 cm
Épaisseur: 2.1 cm
Poids: 432 g
Carte fidélité
Mollat Radio
