Les aventures de Gaston Lagaffe au sein des éditions Dupuis : ses expériences culinaires, ses innovations en matière de matériel de bureau ou d'automobile, ses créations d'instruments de musique. ©Electre 2025
André Franquin z-è naissu en 1924 pè Etterbek (Belgica).
Adè to pouro, el âme fâre de dessin.
En 1944, é va travalyi shi Dupuis. Y è sn ami Morris (le pâre de Lucky Luke) que le fâ rentrâ lé.
En 1947, é rebalye la via a Spirou en fassen "Le Tank" poué "Les maisons préfabriquées".
Penden cé ten, é fâ on moué de dessin pè de zhornâ.
Apré 1949, i sara a liu de s'occupâ de lou dessin et de l'écriteura de l'histouèra de Spirou et Fantasio : sti cou, y a tota na conta. On vè arvâ : Comto Champignac, le Marsupilami (1952), la zhornalista Sécotine, Zantafio et Zorglub...
De 1955 tan qu'a 1959, pè le zhornâ Tintin, Franquin balye la via et fâ vivre "Modeste et Pompon".
Y è en 1957 qu'el invente on hommo que fâ zhen d'uvra a l'uvra : Gaston (on l'appalera Gust en Savoué). El a to le ten lou dou pi dien la mima soqua ! Y è Yvan Delporte que liu a mettu a nom Gaston et el avè reprè sa manire de fâre en éguéten ion de sous ami asse niolu men liu.
Pè cmenci, Gaston passe dou trè cou dien Spirou. E lâsse deu blu parto yô é passe, et mè la rédacchon to sen dsu-dzo. Mé i russè brâvamen, talamen que Franquin dè continuâ a le fâre vivre, apoué cmen numerô ion !
Franquin z-avè bin trè a fâre, cen fâ qu'é lâsse Spirou en 1968 u breton Fournier (qu'a inventâ Bizu).
En 1972, pé la covarteura de Spirou, é balye via a de monstro bin galan que van se retrovâ dien le lèvro "Cauchemarrant" shi Bédérama en 1979.
On truve les Idées Noires dien Le trombone illustre en 1977 poué apré dien Fluide Glacial.
En 1989, Franquin fâ on moué de petiou personnazho, lou Tifous, pè la télévijon.
Franquin z-è mor en 1997. E n'ara pâ viu l'édichon de 17 lèvro shi Dupuis et de dessin qu'el avè ublâ, éditâ pè Marsu-productions.
I no fâ gran plaisi de présentâ on hommo bin trè niolu mé talamen plaisen : Gust leniolu.
Paru le : 15/10/2007
Thématique : BD Ados
Auteur(s) : Auteur : André Franquin
Éditeur(s) :
YoraN
Collection(s) : Non précisé.
Contributeur(s) : Traducteur : Marc Bron
Série(s) : Gust
ISBN : 978-2-914855-42-6
EAN13 : 9782914855426
Reliure : Cartonné
Pages : 46
Hauteur: 30.0 cm / Largeur 22.0 cm
Épaisseur: 0.9 cm
Poids: 324 g
Carte fidélité
Mollat Radio
